സൗന്ദര്യലഹരി

ശ്ലോകം. 93

അരാളാ കേശേഷു പ്രകൃതിസരളാ മന്ദഹസിതേ

ഗിരീഷാഭാ ചിത്തേ ദൃഷദുപലശോഭാ കുചതടേ!

ഭൃശം തന്വീ മദ്ധ്യേ പൃഥൂരുരസിജാരോഹവിഷയേ

ജഗത്ത്രാതും ശംഭോർജ്ജയതി  കരുണാ കാചിദരുണാ!!

അരാളാ കേശേഷു  = കേശങ്ങളിൽ കുടിലയായി

പ്രകൃതിസരളാ മന്ദഹസിതേ = പ്രകൃത്യാസരളമായ മന്ദഹാസത്തോടും,

ശിരീഷാഭാ ചിത്തേ = ചിത്തത്തിൽ മാർദ്ദവമുള്ളത്

ദൃഷദുപലശോഭാ കുചതടേ = സ്തന പ്രദേശത്തിൽ കാഠിന്യമുള്ളത് 

ഭൃശം തന്വീ മദ്ധ്യേ = മദ്ധ്യപ്രദേശത്തിൽ കാർശ്യമുള്ളത്

പൃഥൂരുരസിജാരോഹവിഷയേ = സ്തനപ്രദേശത്തിലും, മദ്ധ്യപ്രദേശത്തിലും പൃഥുവായി ഉള്ളത്.

ജഗത്ത്രാതും ശംഭോഃ = ജഗത്തിനെ രക്ഷിക്കുന്നതിനായി പരമശിവന്റെ

ജയതി = ഉത്കർഷേണ വർത്തിക്കുന്നു.

കരുണാകാചിൽ അരുണാ= കരുണാശക്തിയുടെ ചുവപ്പുനിറത്തോടുകൂടിയ.

കേശങ്ങളിൽ വക്ത്രതയോടും, മന്ദഹാസത്തിൽ ഋജുത്വത്തോടും, ചിത്തത്തിൽ മാർദ്ദവത്തോടും, സ്തനതടത്തിൽ കാഠിന്യത്തോടും, മദ്ധ്യപ്രദേശത്തിൽ കാർശ്യത്തോടും, സ്തന പ്രദേശത്തിലും, നിതംബപ്രദേശത്തിൽ സ്ഥൗല്യത്തോടുകൂടിയതും, ചുവന്ന് ഇരിക്കുന്ന പരമശംഭുവിന്റെ കരുണാരൂപിണിയായ, നിന്തിരുവടി , ഈ ജഗത്തിനെ രക്ഷിക്കാനായി സർവ്വോല്ക്കർഷേണ വർത്തിക്കുന്നു

തുടരും....

*കടപ്പാട്*