" വിഷ്ണ്വഷ്ടകം "

വിഷ്ണും വിശാലാരുണപദ്മനേത്രം
വിഭാന്തമീശാമ്ബുജയോനിപൂജിതം
സനാതനം സന്മതിശോഭിതം പരം
പുമാംസമാദ്യം സതതം പ്രപദ്യേ

കല്യാണദം കാമഫലപ്രദായകം
കാരുണ്യരൂപം കലികല്മഷഘ്നം
കലാനിധിം കാമതനുജമാദ്യം
നമാമിലക്ഷ്മീശമഹം മഹാന്തം

പിതാമ്ബരം ഭൃങ്ഗനിഭം പിതാമഹ
പ്രമുഖ്യവന്ദ്യം ജഗദാദിദേവം
കിരീടകേയൂരമുഖൈഃ പ്രശോഭിതം
ശ്രീകേശവം സന്തതമംനതോ സ്മി

ഭുജങ്ഗതല്പം ഭുവനൈകനാഥം
പുനഃ പുനഃ സ്വീകൃതകായമാദ്യം
പുരന്ദരാദ്യൈരപി വന്ദിതം സദാ
മുകുന്ദമത്യന്തമനോഹരം ഭജേ

ക്ഷീരാമ്ബുരാശേരഭിതഃ സ്ഫുരന്തം
ശയാനമാദ്യന്തവിഹീനമവ്യയം
സത്സേവിതം സാരസനാഭമുച്ഛൈർ
വിഘോഷിതം കേശിനിഷൂദനം ഭജേ

ഭക്താർത്തിഹന്താരമഹർന്നിശന്തം
മുനീന്ദ്രപുഷ്പാഞ്ജലിപാദപങ്കജം
ഭവഘ്നമാധാരമഹാശ്രയം പരം
പരംപരം പങ്കജലോചനം ഭജേ

നാരായണം ദാനവകാനനാനലം
നതപ്രിയം നാമവിഹീനമവ്യയം
ഹർത്തും ഭുവോ ഭാരമനന്തവിഗ്രഹം
സ്വസ്വീകൃതക്ഷ്മാവരമീഡിതോ സ്മി

നമോസ്തുതേ നാഥ വരപ്രദായിൻ
നമോസ്തുതേ കേശവ!കിങ്കരോ സ്മി
നമോസ്തുതേ നാരദപൂജിതാങ്ഘ്രേ
നമോനമസ്ത്വച്ചരണം പ്രപദ്യേ

വിഷ്ണ്വഷ്ടകമിദം പുണ്യം യഃപഠേദ് ഭക്തിതോ നരഃ
സർവ്വപാപവിനിർമുക്തോ വിഷ്ണുലോകം
സ  ഗച്ഛതി.

  ഹരേ നാരായണാ ''ഹരേ നാരായണാ