എവിടെയായാലും മനുഷ്യര്‍ ദുഃഖാര്‍ത്തര്‍. നരകത്തില്‍ കൊണ്ടുവിട്ടാല്‍ അവര്‍ ദുഃഖത്തോടെയിരിക്കും. സ്വര്‍ഗത്തില്‍ കൊണ്ടാക്കിയാലും അങ്ങനെതന്നെ. ദുഃഖത്തോടെയിരിക്കാന്‍ അവര്‍ എപ്പോഴും എന്തെങ്കിലും ഒഴിവുകഴിവുകള്‍ കണ്ടെത്തും. എവിടെയൊക്കെയായിരുന്നാലും, അത്‌ ലോകത്തിലെതന്നെ ഏറ്റവും ഉല്‍കൃഷ്ടമായ പ്രദേശത്തായിരുന്നാല്‍പോലും അവര്‍ ദുഃഖിതരായിത്തന്നെയിരിക്കും. ഇന്ത്യയിലുള്ള എല്ലാവര്‍ക്കും നിറയെ പരാതികളേ ഉള്ളൂ എന്ന്‌ നിങ്ങള്‍ക്ക്‌ കാണാം. അവര്‍ വ്യത്യസ്തമായ രീതിയിലുള്ള ദുഃഖാവസ്ഥയിലാണ്‌. എന്നാല്‍ ഇന്ത്യയിലുള്ള ആളുകള്‍ വിചാരിക്കുന്നു, അവിടെ പൊയ്ക്കഴിഞ്ഞാല്‍ അവര്‍ എന്നേക്കുമായി സന്തുഷ്ടരാകുമെന്ന്‌. നിങ്ങളുടെ ചുറ്റുമുള്ള ആളുകള്‍ ദുഃഖത്തോടെയിരിക്കുന്നുവെങ്കില്‍ എന്താണ്‌ ചെയ്യേണ്ടതെന്ന്‌ എന്നോടുപറയുക. നിങ്ങള്‍ അവരേക്കാള്‍ ദുഃഖാര്‍ത്തരായിത്തീരണമോ? എന്താണ്‌ സംഭവിക്കുന്നത്‌ എന്നത്‌ ഒരു കാര്യം; എന്താണ്‌ സംഭവിക്കേണ്ടത്‌ എന്നത്‌ തികച്ചും മറ്റൊരു കാര്യം. നിങ്ങള്‍ ദുഃഖാര്‍ത്തയായിത്തീരുന്നതോ മറിച്ച്‌, അവസ്ഥാവിശേഷങ്ങള്‍ കണക്കിലെടുക്കാതെ അവരെ സന്തുഷ്ടരാക്കാന്‍ നിങ്ങള്‍ക്ക്‌ സാധിക്കുന്നുവെന്നതോ, ഏതാണ്‌ കൂടുതല്‍ മൂല്യവത്തായിട്ടുള്ളത്‌? ഏതാണ്‌ പ്രധാനം? ഈ ലോകത്തിന്‌ ഏതാണ്‌ കൂടുതല്‍ മൂല്യവത്തായിട്ടുള്ളത്‌? - ജഗ്ഗിവാസുദേവ്‌
No comments:
Post a Comment