ഭാവിയെകരുതി ആകുലപ്പെട്ടിട്ടു എന്ത് കാര്യം?
~~~~~~~~~~~~~~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~~~~~~~~~~~~~~
നാം ആഗ്രഹിച്ചാലും ഇല്ലെങ്കിലും കർമം ചെയ്തു കൊണ്ടിരിക്കുകയാണ്. നമ്മുടെ ജീവിതത്തിലെ സംഭവങ്ങൾ, അനുഭവങ്ങൾ, എല്ലാം കർമഫലമായി ഉണ്ടാവുന്നത് ആണ്. നമ്മുടെ ഓരോ ചിന്തയും, വാക്കും, പ്രവൃത്തിയും അവയോടു ചേർന്ന് നില്ക്കുന്ന വികാരങ്ങളും കൂടിയാണ് നമ്മുടെ ഇപ്പോഴത്തെ ജീവിതവും, ഇനി വരാനിരിക്കുന്ന ജീവിതവും നിശ്ചയിക്കുന്നത്. ഇത് സംഭവിച്ചു കൊണ്ടേയിരിക്കുന്നു. നമുക്ക് പ്രവർത്തിക്കാൻ കഴിയുന്നത് ഇപ്പോൾ, ഇന്ന് മാത്രമാണ്. ഇന്നലെകൾ കഴിഞ്ഞിരിക്കുന്നു. നാളെ ആകട്ടെ നമുക്ക് തീരുമാനിക്കാനും കഴിയില്ല. അത് കൊണ്ട് കർമവും സംഭവിക്കുന്നത് ഇപ്പോൾ മാത്രമാണ്. കർമഫലമായുണ്ടാവുന്ന ജീവിത അനുഭവങ്ങളെ സ്വന്തം സൃഷ്ടിയായി കരുതി സ്വീകരിക്കുവാനോ, തിരസ്കരിക്കുവാനോ നമുക്ക് കഴിയും. ചെറുത്തുനില്പ്പ് കൂടുതൽ വേദനയും, വീണ്ടും അത്തരം അനുഭവങ്ങളും പ്രദാനം ചെയ്യുന്നു. നാം ഏതെങ്കിലും അനുഭവത്തെ ചെറുത്തുനില്ക്കാൻ ശ്രമിക്കുന്നത് ആ അനുഭവം നീണ്ടു പോവാനും, അതിനെക്കാൾ ത്രീവമായ അനുഭവങ്ങളിലേക്ക് എത്തിപ്പെടാനും മാത്രമേ സഹായിക്കൂ. അതുകൊണ്ട് ജീവിതത്തെ ചെറുത്തു നില്ക്കാതെ സ്വീകരിക്കുക. ആർക്കറിയാം ഭാവി നമുക്ക് വേണ്ടി കരുതി വച്ചിരിക്കുന്നത് എന്താണെന്നു? അല്ലെങ്കിൽ തന്നെ ഭാവിയെകരുതി ആകുലപ്പെട്ടിട്ടു എന്ത് കാര്യം?....rajeev kunnekkatt
No comments:
Post a Comment