ഗുരു സ്തോത്രം 





അഖണ്ഡമണ്ഡലാകാരം വ്യാപ്തം യേന ചരാചരം 
തത്പദം ദര്ശിതം യേന തസ്മൈ ശ്രീഗുരവേ നമഃ 1

അജ്ഞാനതിമിരാന്ധസ്യ ജ്ഞാനാഞ്ജനശലാകയാ
ചക്ഷുരുന്മീലിതം യേന തസ്മൈ ശ്രീഗുരവേ നമഃ  2

ഗുരുര്ബ്രഹ്മാ ഗുരുര്വിഷ്ണുഃ ഗുരുര്ദേവോ മഹേശ്വരഃ
ഗുരുരേവ പരംബ്രഹ്മ തസ്മൈ ശ്രീഗുരവേ നമഃ  3

സ്ഥാവരം ജംഗമം വ്യാപ്തം യത്കിംചിത്സചരാചരം 
തത്പദം ദര്ശിതം യേന തസ്മൈ ശ്രീഗുരവേ നമഃ  4

ചിന്മയം വ്യാപിയത്സര്വം ത്രൈലോക്യം സചരാചരം 
തത്പദം ദര്ശിതം യേന തസ്മൈ ശ്രീഗുരവേ നമഃ  5

ത്സര്വശ്രുതിശിരോരത്നവിരാജിത പദാമ്ബുജഃ
വേദാന്താമ്ബുജസൂര്യോയഃ തസ്മൈ ശ്രീഗുരവേ നമഃ  6

ചൈതന്യഃ ശാശ്വതഃശാന്തോ വ്യോമാതീതോ നിരംജനഃ
ബിന്ദുനാദ കലാതീതഃ തസ്മൈ ശ്രീഗുരവേ നമഃ  7

ജ്ഞാനശക്തിസമാരൂഢഃ തത്ത്വമാലാവിഭൂഷിതഃ
ഭുക്തിമുക്തിപ്രദാതാ ച തസ്മൈ ശ്രീഗുരവേ നമഃ  8

അനേകജന്മസംപ്രാപ്ത കര്മബന്ധവിദാഹിനേ
ആത്മജ്ഞാനപ്രദാനേന തസ്മൈ ശ്രീഗുരവേ നമഃ  9

ശോഷണം ഭവസിന്ധോശ്ച ജ്ഞാപണം സാരസംപദഃ
ഗുരോഃ പാദോദകം സമ്യക് തസ്മൈ ശ്രീഗുരവേ നമഃ  10

ന ഗുരോരധികം തത്ത്വം ന ഗുരോരധികം തപഃ
തത്ത്വജ്ഞാനാത്പരം നാസ്തി തസ്മൈ ശ്രീഗുരവേ നമഃ 11

മന്നാഥഃ ശ്രീജഗന്നാഥഃ മദ്ഗുരുഃ ശ്രീജഗദ്ഗുരുഃ
മദാത്മാ സര്വഭൂതാത്മാ തസ്മൈ ശ്രീഗുരവേ നമഃ  12

ഗുരുരാദിരനാദിശ്ച ഗുരുഃ പരമദൈവതമ്
ഗുരോഃ പരതരം നാസ്തി തസ്മൈ ശ്രീഗുരവേ നമഃ 13

ത്വമേവ മാതാ ച പിതാ ത്വമേവ
ത്വമേവ ബന്ധുശ്ച സഖാ ത്വമേവ
ത്വമേവ വിദ്യാ ദ്രവിണം ത്വമേവ
ത്വമേവ സർവം  മമ ദേവ ദേവ  14