*കാലം ഒത്തുവരുമ്പോഴാണ് ഒരു ഉത്തമമായ കാര്യം ഒരാള്‍ക്ക് മനസ്സിലാകുകയും അത് അയാളില്‍ സംഭവിക്കുകയും അത് അയാള്‍ക്ക് പ്രയോജനപ്പെടുകയും ചെയ്യുക.*_
_*പരിശ്രമിക്കേണ്ടത് വ്യക്തി സ്വയമേവയാണ്. ഒരാളുടെ സ്വന്തം പ്രവൃത്തികള്‍ ആണ് അയാളുടെ കര്‍മ്മഗതിയെ നിയന്ത്രിക്കുന്നത്. മറ്റൊരാളല്ല. സന്നദ്ധതയും അധികാരവും വ്യക്തിക്കാണ്. സ്വീകരിക്കുന്നയാളുടെ സന്നദ്ധതയും സംസ്കാരവും ശക്തിയും ആണ്
_*കൊടുക്കുന്നയാള്‍ നിമിത്തകാരണം മാത്രമാണ്! ഇത് മനസ്സിലാക്കിയാല്‍ നമ്മുടെ എല്ലാ അഹങ്കാരവും അസ്തമിക്കും.*_
_*നല്ലത് മനസ്സിലാക്കുവാനുള്ള അര്‍ഹത ഉള്ളിടത്താണ് നല്ല ഒരു വാക്കുപോലും ഗ്രഹിക്കപ്പെടുകയോ പ്രയോജനപ്പെടുകയോ ചെയ്യുക. അതിനാല്‍ മുന്നില് വന്നുചേരുന്ന ജീവജാലങ്ങള്‍ക്കും മനുഷ്യര്‍ക്കും നമുക്ക് നന്മയായ് ചെയ്യാന്‍ കഴിയുന്നതെല്ലാം ചെയ്തു കൊടുക്കുക എന്നതു മാത്രമാണ് നമ്മുടെ ഉത്തരവാദിത്വം. നാം വെറും നിമിത്തം മാത്രമാണ്. നമ്മിലൂടെ സംഭവിക്കുന്നത് നല്ലതോ ചീത്തയോ എന്നതാണ് നമ്മുടെ അര്‍ഹത!*_
_*സ്വന്തം ക്രീയകൊണ്ടോ സ്വന്തം വാക്കുകൊണ്ടോ സ്വന്തം ശാസ്ത്രംകൊണ്ടോ ആരെയെങ്കിലും രക്ഷിക്കാം എന്നത് അഹങ്കാരം മാത്രമാണ്. നാം പറയുന്നത് മറ്റൊരാള്‍ വിശ്വസിക്കണമെങ്കിലോ കേള്‍ക്കുവാന്‍ ശ്രദ്ധതരണമെങ്കിലോ അയാള്‍ നമ്മുടെ അടുത്തു വരണമെങ്കിലോ പോലും അയാള്‍ക്ക് അതിനുള്ള സമയം ആകുമ്പോഴേ സംഭവിക്കുകയുള്ളു*_
' _*ഒരാള്‍ക്ക് ഈ ലോകത്തിലെ മുഴുവന്‍ ഗ്രന്ഥങ്ങളും വാങ്ങി അയാളുടെ ലൈബ്രറിയില്‍ സൂക്ഷിക്കുവാന്‍ കഴിഞ്ഞേക്കും. എന്നാലും അയാള്‍ക്ക് അര്‍ഹതപ്പെട്ടതു മാത്രമേ അയാള്‍ വായിക്കുകയുള്ളു, മനസ്സിലാക്കുകയുള്ളു!''
*_
_*ഒന്നിന്റെയും ഉത്തരവാദിത്ത്വം ഏറ്റെടുത്തു എന്ന് അഹങ്കരിക്കാതെ എല്ലാത്തിനും നിമിത്തകാരണമായി മാത്രം നിലകൊള്ളണം. ദൈവ കരങ്ങളായി പ്രവര്‍ത്തിക്കുകയാണ് എന്ന ഭാവത്തെ സ്വീകരിക്കുന്നതായാല്‍ അതാണ് നല്ലത്.*_
_*അഹങ്കാരം ജ്ഞാനത്തെയും ഭക്തിയേയും സത്യത്തെയും കെടുത്തി നമ്മെ ദുരാചാരിയും ഭീതിതനും അസത്യവാദിയും ആക്കും*_
No comments:
Post a Comment