*2019 നവംബർ 12 പൗർണ്ണമി* *ഉത്തമം പൗർണമിവ്രതം*

*ഓരോ മാസത്തിലേയും പൗർണമി (വെളുത്തവാവ് ) ദിവസം വീട്ടിൽ വിളക്കുതെളിയിച്ചു ദേവിയെ പ്രാർഥിക്കുന്നത് ദേവീകടാക്ഷത്തിനും ഐശ്വര്യവർദ്ധനവിനും ദാരിദ്ര ദു:ഖനാശത്തിനും കാരണമാകുന്നു. അന്നേദിവസം ഒരിക്കലെടുത്തു വ്രതം അനുഷ്ഠിക്കുന്നത് അത്യുത്തമം* . *തുലാമാസത്തിലെ പൗർണമി വരുന്നത് നവംബർ 12 ചൊവ്വാഴ്ചയാണ്*.
*ചന്ദ്രദശാകാല ദോഷമനുഭവിക്കുന്നവർക്ക് ദോഷകാഠിന്യം കുറയ്ക്കാൻ അത്യുത്തമമാണ് പൗർണ്ണമി വ്രതം*.

*പൗർണ്ണമിവ്രതം അനുഷ്ഠിക്കുന്ന വിദ്യാർഥികൾക്ക് വിദ്യയിലുയർച്ച ലഭിക്കും. നാമങ്ങളിൽ ശ്രേഷ്ഠമാണ് വിഷ്ണുനാമം ,ആയിരം വിഷ്ണുനാമത്തിനു തുല്യമാണ് ഒരു ശിവനാമം, ആയിരം ശിവനാമത്തിനു തുല്യമാണ് ദേവിനാമം* .

*മാതൃരൂപിണിയാണ് ദേവി .മാതൃപൂജ ഒരു വ്യക്തിയുടെ സകലപാപങ്ങളെയും കഴുകിക്കളയുന്നു. മാതൃ സ്നേഹത്തിന്റെ അളവ് വിവരണാതീതമാണ്*. *അതുപോലെ തെളിഞ്ഞ മനസ്സോടെ ഭഗവതിയെ ധ്യാനിച്ചു പൗർണമി ദിനത്തിൽ ലളിതസഹസ്രനാമം ചെല്ലുന്നത് ദേവീപ്രീതികരമാണ്. ലളിതസഹസ്രനാമം ചൊല്ലാൻ സാധിച്ചില്ലെങ്കിൽ ലളിതാസഹസ്രനാമ ധ്യാനം മാത്രമായും ചൊല്ലാവുന്നതാണ്*.
*പൗർണ്ണമീവ്രതം അനുഷ്ഠിക്കുന്നവർ അതിരാവിലെ കുളികഴിഞ്ഞ് ദേവീക്ഷേത്ര ദർശനം നടത്തുകയും ദേവീസ്തുതികൾ ജപിക്കുകയും ചെയ്യുക*. *പകൽ ഒരു നേരം മാത്രം ഭക്ഷണം കഴിക്കുകയും രാത്രിയിൽ നിരാഹാരമനുഷ്ഠിക്കുകയും ചെയ്തു സന്ധ്യക്ക്‌ നിലവിളക്കു കൊളുത്തി ദേവി നാമങ്ങൾ ഭക്തിയോടെ ജപിക്കുക.* ആരോഗ്യം അനുവദിക്കാത്തവർക്ക് പഴവർഗങ്ങൾ കഴിക്കാം.

*മംഗല്യവതികളായ സ്ത്രീകൾ ദശപുഷ്പങ്ങളിലൊന്നായ മുക്കുറ്റി പൗർണമി ദിവസം ചൂടുന്നത് ഭർത്തൃസൗഖ്യത്തിനും പുത്രഭാഗ്യത്തിനും ഉത്തമം*.
*ഓരോ മാസത്തിലെ പൗർണ്ണമി വ്രതത്തിന് ഓരോ ഫലങ്ങളാണ്. ചിങ്ങം മാസത്തിലെ പൗർണമിവ്രതം കുടുംബഐക്യത്തിനും കന്നിയിലെ സമ്പത്ത് വർദ്ധനയ്ക്കും തുലാമാസത്തിലെ വ്രതം വ്യാധിനാശത്തിനും വൃശ്ചികത്തിലെ വ്രതം സത്കീർത്തിയും ധനുമാസത്തിലെ വ്രതം  ആരോഗ്യവർദ്ധനയ്ക്കും കുംഭമാസത്തിലെ വ്രതം ദുരിതനാശത്തിനും മീനമാസത്തിലെ വ്രതം ശുഭചിന്തകൾ വർദ്ധിക്കുന്നതിനും മേടമാസത്തിലെ വ്രതം ധാന്യവർദ്ധനയും ഇടമാസത്തിലെ വ്രതം വിവാഹതടസം മാറുന്നത്തിനും മിഥുനമാസത്തിലെ വ്രതം പുത്രഭാഗ്യത്തിനും കർക്കിടകമാസത്തിലെ വ്രതം ഐശ്വര്യവർദ്ധനയ്ക്കും കാരണമാവുന്നു*.


*ദീർഘ മംഗല്യത്തിനുള്ള മന്ത്രം*


*ലളിതേ സുഭഗേ ദേവി*
*സുഖസൗഭാഗ്യദായിനി*
*അനന്തം ദേഹി സൗഭാഗ്യ-*
*മഹ്യം തുഭ്യം നമോനമ:*


*ദേവിയെ പ്രാർത്ഥിക്കുമ്പോൾ ചൊല്ലേണ്ട മന്ത്രം*

*യാ ദേവി സര്‍വ ഭൂതേഷു*
*മാതൃരൂപേണ സംസ്ഥിതാ*
*നമസ്തസ്യൈ നമസ്തസ്യൈ*
*നമസ്തസ്യൈ നമോ നമ:*
*ഓം ആയുര്‍ദേഹി ധനംദേഹി*
*വിദ്യാംദേഹി മഹേശ്വരി*
*സമസ്തമഖിലം ദേഹി*
*ദേഹിമേപരമേശ്വരി*.


*ഭദ്രകാളീ സ്തുതി*


*കാളി കാളി* *മഹാകാളീ-ഭദ്രകാളീ* *നമോസ്തുതേ*
*കുലം ച കുലധര്‍മ്മം ച- മാം ച പാലയ പാലയ*

*ലളിതാസഹസ്രനാമ ധ്യാനം*

*ഓംസിന്ദൂരാരുണവിഗ്രഹാം ത്രിനയനാംമാണിക്യമൗലി സ്ഫുരത്*-
*താരാനായകശേഖരാം സ്മിതമുഖീമാപീനവക്ഷോരുഹാം*
*പാണിഭ്യാമളിപൂർണ്ണരത്നചഷകം രക്തോത്പലം ബിഭ്രതീം*
*സൗമ്യാം രത്നഘടസ്ഥ* *രക്തചരണാം ധ്യായേത് പരാമംബികാം*

*ധ്യായേത് പദ്മാസനസ്ഥാം* *വികസിതവദനാം* *പത്മപത്രായതാക്ഷീം*
*ഹേമാഭാം പീതവസ്ത്രാം* *കരകലിതലസത് ഹേമപദ്മാം വരാംഗീം*
*സർവ്വാലങ്കാരയുക്താം സതതമഭയദാം ഭക്തനമ്രാം ഭവാനീം*
*ശ്രീവിദ്യാം ശാന്തമൂർത്തിം സകലസുരനുതാം* *സർവ്വസമ്പത്പ്രദാത്രീം*.
*സകുങ്കുമവിലേപനാമളികചുംബികസ്തൂരികാം*
*സമന്ദഹസിതേക്ഷണാം സശരചാപപാശാങ്കുശാം*
*അശേഷജനമോഹിനീമരുണ മാല്യഭൂഷോജ്ജ്വലാം*
*ജപാകുസുമഭാസുരാം* *ജപവിധൗ സ്മരേദംബികാം.*

*ദേവി സ്തുതി*

 *സര്‍വ്വമംഗള മംഗല്യേശിവേ* സര്‍വാര്‍ത്ഥ സാധികേ*
*ശരണ്യേ ത്രയംബകേ ഗൗരീ നാരായണീ നമോസ്തുതേ* "

*സർവ്വ സ്വരൂപേ സർവ്വേശേ സർവ്വശക്തി സമന്വിതേ*
*ഭയേഭ്യ സ്ത്രാഹിനോ ദേവീ ദുർഗ്ഗാ ദേവി നമോസ്തുതേ*

*ജ്വാലാകരാളമത്യുഗ്രം  അശേഷാസുരസൂദനം*
*ത്രിശൂലം പാതു നോ ഭീതേർ ഭദ്രകാളീ നമോസ്തുതേ*

*ചന്ദ്രന്റെ പ്രകാശിതമായ ഭാഗം പൂർണമായും ഭൂമിക്ക് അഭിമുഖമയി വരുന്ന ദിനമാണ് പൗർണ്ണമി അഥവാ വെളുത്ത വാവ്. പൗർണമി ദിവസം ചന്ദ്രബിംബത്തിൽ ദേവിയെ സങ്കല്പിച്ച് തൊഴുത് പ്രാർത്ഥിക്കുന്നതും ഉത്തമമാണ്*